Pinatibay na Pader Kontra Baha sa Iyam, Sinimulan Na

Tapos na ang panahon ng peligro. Ito ang sinigurado ni Cong. Irvin M. Alcala, representante ng segunda distrito ng Quezon sa pag- uutos ng pagpapatibay sa revetment wall sa Brgy. Iyam, bayan ng Lucena. Kasalukuyang ipinasesemento at nilalagyan ng harang ang lupa sa pagilid ng ilog sa nasabing lugar. Ang namamahala sa ginagawang proyekto ang mga eksperto ng District Engineer’s Office ng DPWH na patuloy na sinusubaybayan ang konstruksyon.

Ang ilog sa Iyam ay madalas umapaw sa panahon ng tag- ulan at maaaring pagmulan ng mga aksidente at pinsala sa mga nakatira malapit dito. Ang pinatibay na kongkretong pader ang magsisilbing harang sa mga di- inaasahang pagtaas ng lebel ng ilog. Maaari kasing anurin ang lupa sa gilid ng ilog na pwedeng simulan ng pagguho nito. Bukod sa mga lupa sa paligid ay pino- protektahan din ng pader ang mga malapit na komunidad sa paligid ng ilog. Kabilang rito ang pangunahing tulay na nagdurugtong sa dalawang bahagi ng barangay. Inaasahan ding magiging mas ligtas ang mga dumaraan dito kabilang na ang mga estudyante sa malapit na paaralan.

Ang proteksyon na dala ng mga tinatayong pader ay isang malaking kasiguruhan sa kaligtasan ng mga residente doon. Kahit ang malakas na ulan na maaring magdulot ng pagtaas ng tubig ay mapipigilan ng mga tinatayong pader na gawa sa semento, bato at bakal.

Bakas sa mga proyekto sa iba’t- ibang panig ng sedunda distrito ang pag- unlad. Lahat ng ito’y handog sa mga mamamayan sa pamumuno ng mga tapat na kinatawan ng distrito. Ang mga proektong katulad ng revetment wall sa Iyam ay halimbawa ng serbisyo publikong sinumpaang gampanan ng representante ng segunda distrito.

| More...