Lucena Overpass Para sa Kaligtasan ng Commuters

Malaking tulong para sa kaligtasan ng mga commuters and ipinapatayong overpass sa bayan ng Lucena. Nagtalaga ng kaukulang pondo si Cong. Irvin M. Alcala, representante ng segunda distrito upang mabigyang prayoridad ang kaligtasan ng mga pedestrians sa lugar. Matatagpuan ang kasalukuyang ginagawang overpass sa bahagi ng Manila South diversion road.

Isang mabuting balita ang nasabing proyekto dahil higit na mababawasan ang pagkakaroon ng mga pedestrian-related accidents sa lugar. Kabilang ang proyektong ito sa apat na magkakahiwalay na overpass constructions sa kabuuan ng segunda distrito.

Muling kaakibat ng kongresista ang  mga kinatawan ng DPWH District Engineer’s Office upang maihatid ang de-kalidad na serbisyo publikong ito para sa mga partner-constituents ng representante.

Inaasahang magagamit na ang Lucena overpass sa katapusan ng Hulyo, taong 2012.

Maayos na paglalakbay at kaligtasan sa mga kalsada ang isa sa mga pangunahing iniintindi ng mga commuters sa pang-araw araw nilang biyahe papunta at pabalik mula opisina o trabaho. Ang kaligtasang maidudulot nito sa mga commuters ay mas importante pa rin sa konting tiyaga ng pag-akyat sa mga baitang ng overpass.

Mapapansin din ang pagdami ng mga sasakyan sa lalawigan kung kaya’t naisipan ng representante na mas makabubuti para sa mga motorista at mga pedestrians ang paglalagay ng mga overpass sa mga lugar kung saan madalas tawiran ng mga tao. Higit na ginhawa ang madadala nito dahil panatag ang isip na iwas aberya o aksidente ang dala ng mga overpass.

Area: Lucena

| More...