Dating Malubak na Kalsada sa Sitio Sipit, Binigyang Aksyon para sa Lokal na Magsasaka

Lubos ang tuwa ng mga magsasaka at lokal na agro industries sa pagpapagawa ng farm-to-market road (FMR)sa Sito Sipit, Masalukot 5, bayan ng Candelaria. Hindi na nila kailangang magtiyaga sa lubak na kalsadang putik at abala ang dala sa panahon ng tag-ulan. Siniguro ni Cong. Irvin M. Alcala na mabigyang lunas ang problemang ito sa imprastraktura. Kaagapay ng kongresista ang Department of Agriculture na siya namang naglaan ng pondo para rito.

Nagkakahalaga ng limang milyong piso ang pagsesemento ng kalsada. Kongkreto ang latag sa panibagong kalsada at nilawakan ang maaaring madaanan ng mga sasakyan sa lugar. Aabot naman sa 600-metro ang nasabing FMR na higit makakatulong sa paghahatid ng mga produktong agrikultura sa mga nalalapit na pamilihan at bagsakan. Bukod sa gasolina ay makakatipid rin ang mga magsasaka sa transportation costs ng kanilang mga produkto, maging ang halaga ng pagmementena sa kanilang mga sasakyang ginagamit sa paghahatid ng kanilang mga produkto.

Ginhawa ang tugon ng FMR para sa dati’y hinaing ng mga dumaraan rito. Malaking bagay na rin ang kalsada para sa mga magsasakang nagsisikap na ipakitang world-class ang sektor ng agrikultura sa distrito. Tunay na may naparoroonan ang mga makabuluhang proyektong alay sa mga mamamayang pinagsisilbihan nito.

| More...